EMS Aruba na prome instante ta para semper cla pa yuda durante situacionnan di calamidad conhuntamente cu demas organisacionnan boluntario y gubernamental. Mirando cu nos a drenta den e temporada di horcan, a traha na dje pa adkiri e radionan ChuChubi di Zenitel. Cu e radionan aki e boluntarionan di EMS Aruba por keda den contacto cu otro y cu demas organisasionan durante di un calamidad.

E radionan Motorola MTH800 di ChuChubi ta di e technologia TETRA y ta funciona riba e red di Zenitel. E cobertura di e radionan ta cubri ful e isla y e awanan rond di Aruba. Zenitel su red tin generators pa cada ekipo p’asina e red por keda funciona hasta si coriente cai afo. E radionan ta traha pa funciona den awasero, ambientenan tough y pa oranan largo.

EMS kier a gradici, particularmente, Banco di Caribe, RBTT y Zenitel pa reconoce e importancia pa yuda cubri, parcialmente, gasto di e radionan. EMS Aruba ta aprecia tipo di colaboracionnan asina, ya cu e ta alivia parti di e peso financiero y de hecho ta yuda EMS Aruba, pa sigi yuda, boluntariamente, e comunidad di Aruba. Cu e gesto aki sirbi pa incentiva otro comerciante y pueblo en general, pa duna EMS Aruba un man.  Pa mas informacion, por tuma contacto cu nos libremente na telefoon 593-4261 of na 566-2627.

Riba e foto por mira sr, Johan Richardson di Zenitel, sra. Sue-Lan Liao Jen di Banco di Caribe y sr. Carlos Peterson y di EMS Aruba.